فراخ مشوية

المقادير :
- فرخه مقطعه أرباع
- عصير ليمون
- زيت
- ثوم مهروس او مقطع قطع صغيره
- بابريكا ( شطه مش حراقه )
- توابل ( قرفة + جنزبيل + بهارات شوى + حبة البركة + كمون + فلفل أسود ) أو اى حاجه موجودة عندك بس يا ريت حبة البركة والقرفة لأن طعمهم هايل
- خل
- بصله مفرومة
- خضروات مقطعه أرباع ( بطاطس + جزر + كوسة + فلفل ألوان )
- ملح
- ورق الومنيوم أو كيس الفرن

الطريقه :
1- يخلط الزيت والليمون والخل والثوم والبصل و الملح والبهارات والبابريكا خلطاً جيداً
2- تغطى الفراخ والخضروات بالتتبيله جيداً
3- يوضع الجميع في ورق الالومنيوم أو كيس الفرن مع إحكام الغلق جيداً
4- تترك من الليل حتى ميعاد الغذاء تانى يوم
5- توضع فى صينية ثم توضع فى الفرن كما هي ملفوفة على درجه حرارة 180 مدة ساعة تقريباً
6- بعد النضج نلاحظ ان الفرخه قامت بإخراج كل ما بها من دهون في الصينية وبذلك تكون وجبه صحية
7- يتم تصفيه السوائل في الحوض وتترك الفرخه فى الصينيه ونأخذ الخضار في قالب آخر
8- توضع الفرخه تحت الشواية حتى تحمر أما الخضروات فتؤكل كما هى مسلوقة أو يتم تشويحها على النار أو في الفرن
9- بالنسبة لي قمت بتقديم الفراخ والخضروات مع محشى ورق العنب أو مع الأرز بالخلطة وبجد بجد كانت وجبه تجنن
ياريت تجربوها في أقرب وقت و تقولولى رأيكم يا بنات،،